Mera Ghar- Kuch toh Badal Gaya hai yaha

Kehne ko Ghar ab bhi hai. Par
uss se chhot gayi kuch cheeje,
Aate jaate hawa Jaise Atak gayi balcony mein
Soongh gaya hai Saanp Farsh ko, Arsh pe seelan si h,
Har aane jaane wale pe hasti hai Dahleeze,

Kab aaya kaise aaya par
yeh badlaav saaf hai ab toh
mausam itna hua beraham,
Kuch bhi nahi maaf hai ab toh
badal ghir aate hai magar,
Naa bheegne jaane ka hota mera mann

Deewaro se shuru ho gayi
kuch ajeeb si hi baate meri,
kuch toh hai gadbad zaroor jo,
din din bhar jaagi hai raate meri,
Andar aane lage karishme
bahar jaane lagi tameeze!!!!